Мова – тое, што нас аб’ядноўвае і робіць унікальнымі. Без роднай мовы не пабудуем нашай будучыні, без яе не будзе якасная адукацыі. Таму Дзяржаўная ўстанова адукацыі “Яслі-сад №160 г.Гомеля” адна з першых устаноў у горадзе Гомеле, якая ў 2012/2013 навучальным годзе пачала рэалізоўваць вучэбную праграму дашкольнай адукацыі на роднай – беларускай мове.
Асноўнымі формамі працы па папулярызацыі беларускай мовы з выхаванцамі з’яўляюцца гульні-заняткі, мастацка-эстэтычная і фізкультурна-аздараўленчая праца, выставы дзіцячага малюнка і вырабаў з прыроднага матэрыялу, каляндарныя святы і забавы.
Таму ў лістападзе у дзіцячым яслях-садку №160 адбылося свята “Восеньскі кірмаш”. Свята адбылося з удзелам выхаванцаў і бацькоў, з нацыянальным каларытам, бо праходзіла ў группе з беларускай мовай навучання.
Смачныя падарункі не маглі дастацца выхаванцам і гасцям проста так. Яны былі павінны як на сапраўдным кірмашы заплаціць плату –адказаць на пытанні, расказаць скарагаворку, а самыя каштоўныя пачастункі прадавалі за верш беларускай мове.
У якасці пляцоўкі для далучэння дзяцей да гісторыі Бацькаўшчыны, яе культуры і традыцый ў дзіцячым садзе створаны этнаграфічны музей “Беларуская хатка”. У ім існуюць тры залы, дзе ёсць магчымасць звярнуцца да мінулага Радзімы, пазнаёміцца з партрэтамі “Песняроў зямлі беларускай”, з сімволікай Беларусі, з народнымі рамёствамі і вясковым бытам. Тут сабраны прадметы даўніны: прадметы побыту, ручнікі, абрусы, посуд, адзенне. Выхаванцы з вялікай ахвотай неведваюць этнаграфічны музей і ўдзельнічаюць у традыцыйных абрадавых дзеяннях з прымяненнем экспанатаў.
Музей наведваюць не толькі выхаванцы яслі-сада, але і арганізаваныя групы выхаванцаў другіх дашкольных устаной па папярэдняй дамоўленнасці.
Фотаздымкі
