У перыяд з 11 па 20 сакавіка 2019 года на базах устаноў агульнай сярэдняй адукацыі адбыліся спаборніцтвы па валейболе сярод юнакоў і дзяўчат у праграме ХХХII круглагадовай спартакіяды школьнікаў Савецкага раёна г. Гомеля.
За прызавыя месцы змагаліся 20 каманд юнакоў і 12 каманд дзяўчат.
Каманда юнакоў сярэдняй школы №43 г. Гомеля годна выступіла на спаборніцтвах, заняўшы першае месца. Другое месца ў вучняў гімназіі №58, «бронза» & nbsp; дасталася камандзе СШ №69.
Сярод дзяўчат заслужаную перамогу атрымалі юныя валейбалісткі СШ №38, другое месца ў вучняў гімназіі №51, трэцяе месца дасталася спартсменам сярэдняй школы №43 г. Гомеля.
Самыя лепшыя валейбалісты прадставяць каманду Савецкага раёна на абласных спаборніцтвах, якія пройдуць у перыяд з 8 па 13 красавіка 2019 года.
Віншуем пераможцаў і жадаем ім далейшых перамог!